søndag 14. desember 2008

Njealljelogát modji

- Manin din váhkar nu bárgu?
- Dat lea roggan sáddui čiekŋalis rokki ja hálidivččii dál váldit dan fárrui.

lørdag 13. desember 2008

Golbmalogiovccát modji

- Áiggošin suohkuid stuorraoabbái.
- Makkárat dat galget leat?
- Veahá boakkil.

fredag 12. desember 2008

Golbmalogigávccát modji

- Ánne, finamat geahččamen leatgo gávpeolbmás bohccogaccat.
- Mun in oaidnán, dajai Ánne go lei máhccan. - Das ledje gápmagat juolggis.

torsdag 11. desember 2008

Golbmalogičihččet modji

- Máhtte, sáhtátgo muitalit juoidá 1600-logu birra?
- Guohcehan juohkeokta.

onsdag 10. desember 2008

Golbmalogiguđát modji

- Máhtátgo čuojahit piano? jearai oahpaheaddji Márjjás.
- In dieđe go in leat iskan.

tirsdag 9. desember 2008

Golbmalogiviđát modji

Uhca Elleš lohká eahketrohkosa:
- Ja vel loahpas sávašin, ráhkis almmálaš áhčči, ahte lágidivččet liegga biktasiid daidda nieidariebuide, geaid govat lávejit oidnot áhči bláđiin.

mandag 8. desember 2008

Golbmaloginjeallját modji

Nuorra eamit goarui unna biktasaččaid.
- Ráhkkásan, son vižardii isidasas. - It go donge hálidivčče gullat uhca juolggážiid lihkadeamen munno láhttiid mielde?
- In! Mun vašuhan sáhpániid!

søndag 7. desember 2008

Golbmalogigoalmmát modji

- Eadni, don oktii lohpidit skáhppot munnje uhcavielja, go suitigoađát.
- Manin dál dien dajat?
- Sámi Áiggis čuožžu ahte "Mánát beallehaddái".

lørdag 6. desember 2008

Golbmaloginubbi modji

Kárášjot-gánda lei Johkamohkis gurssas. Son nohkkui ruđain ja čuojahii áhččásis, gii lohpidii sáddet boastta fáro. Nuppe beaivve bođii dáluolmmái muitalit:
- Dunjin li boahtám biedniga.
Kárášjot-gánda hirpmástuvai:
- Bietna`at? Gos dat la?
- Båstan.
- La`o olu?
- Mánnga tjuode.
- Gii ieimmaskasai la sáddin munnje máŋgačuede bietna`a?
Johkamohki gielas oainnat sátni biedniga máksá ruđat.

fredag 5. desember 2008

Golbmalogivuosttaš modji

Unna nieiddaš huhttái iežas seaŋgga duohken, go báhppa bođii guossái. Báhppa gáttii nieidda rohkadallat ja luoitádii čippiid ala seaŋgga nuppe beallái. Nieida go oinnii dan, son imaštalai, maid báhppa lei bargamen.
- Dan maid don ge, ustibažžan.
- Dál gal eadni suhttá, bohttu lea oainnát dán beal seaŋgga.

torsdag 4. desember 2008

Golbmalogát modji

Oahpaheaddji jearai oahppiin, mii ealliid sulastahttá eanemus olbmo.
- Buoidda, vástidii okta gánda.
- Manin nu?
- Dat lea justa dego min eadni biillas. Dat guovlá juohke láses oktanaga iige goittotge dieđe, gosa galgá mannat.

onsdag 3. desember 2008

Guoktelogiovccát modji

- Manne daddjojuvvo, ahte Gállá XII lei oktoráđđejeaddji?
- Dasgo son ii lean náitalan, vástidii uhca Juhánaš.

tirsdag 2. desember 2008

Guoktelogigávccát modji

- Mánát, máhttágo giige dis muitalit, guđemuš mánus leat 28 beaivvi?
- Dieđusge. Juohke mánus.